سیکرٹری خارجہ سائرس سجاد قاضی کا کہنا ہے کہ بھارتی خفیہ ایجنسی”را” پاکستانی شہریوں کے قتل میں ملوث ہے۔ پریس کانفرنس میں انہوں نے کہا کہ شاہد لطیف کو سیالکوٹ میں مسجد کے باہر قتل کیا گیا ،شاہد لطیف کے قتل میں بھارتی ایجنٹ ملوث ہیں ،بھارتی ایجنٹ نے شاہد لطیف کے قتل کا اعتراف کیا۔
پاکستانی شہری محمد ریاض کو راولاکوٹ میں ایک مسجد میں قتل کیا گیا تھا، بھارتی ایجنٹ نے اجرتی قاتل کے ذریعے محمد ریاض کو قتل کرایا ،سیکیورٹی فورسز نے اجرتی قاتل کو گرفتار کیا جس نے جرم کا اعتراف کر لیا ہے۔
بھارتی ایجنٹ دہشتگردی اور قتل و غارت کی دیگر وارداتوں میں بھی ملوث پائے گئے ہیں،بھارت پاکستانی سالمیت اور خودمختاری کی خلاف ورزی کررہا ہے۔
