رواں برس پشاور میں تھانوں پر دہشت گردوں کے حملوں کی رپورٹ جاری

صوبائی دارالحکومت پشاور میں رواں سال پولیس تھانوں پر دہشتگردوں کے حملوں کی رپورٹ سامنےآگئی ۔
رپورٹ کے مطابق رواں سال پشاور میں پولیس تھانوں پر 9 دستی بم حملے ہوئے، فائرنگ کے متعدد واقعات بھی رونما ہوئے ۔
رپورٹ میں کہا گیا ہے کہ  تھانہ متھرا پر 3 جبکہ تھانہ ریگی ماڈل ٹاون اور تھانہ ناصرباغ پر2،2 دستی بم حملےہوئے ۔
رپورٹ کے مطابق مچنی گیٹ اور تھانہ بڈھ بیر پر ایک، ایک دستی بم حملہ ہوا ۔
رپورٹ میں مزید کہا گیا ہے کہ پولیس تھانوں پر فائرنگ کے 28 واقعات رونما ہوئے،تھانہ ناصرباغ پر فائرنگ کے 7 واقعات پیش آئے ۔
ریگی ماڈل ٹاون،ارمڑ اوربڈھ بیرکےتھاںوں پر فائرنگ کے3،3 واقعات سامنے آئے ، پولیس تھانوں پر 4 آئی ای ڈی دھماکے بھی کئےگئے ۔
رپورٹ کے مطابق پولیس تھانوں پر حملوں کی 32 ایف آئی آرز سی ٹی ڈی تھانے میں درج کی گئیں ۔