شمالی وزیرستان میں امن و امان کی خراب صورتحال کے باعث ضلع بھر میں ایک ماہ کیلئے دفعہ 144 نافذ کردی گئی ۔
ڈپٹی کمشنر شمالی وزیرستان کی جانب سے جاری نوٹیفکیشن کے مطابق موجودہ امن و امان کی صورتحال کے پیش نظر دفعہ 144 نافذ کی گئی ۔
ڈی سی کا کہنا ہے کہ اس دوران ضلع بھر میں موٹرسائیکل کی ڈبل سواری، عوامی مقامات پر تین سے زائد افراد کے اجتماع اورنان کسٹم پیڈ گاڑیوں کا علاقے میں داخلے پر پابندی ہوگی ۔
دوسری جانب شمالی وزیرستان میں کل صبح 5 سے شام 7 بجے تک کرفیو نافذ رہے گا اور تمام داخلی خارجی اور مین شاہراہوں پر عوامی آمدو رفت پر پابندی ہوگی ۔
ڈی سی شمالی وزیرستان کا مزید کہنا ہے کہ سکیورٹی فورسز کی نقل وحرکت اور لاجسٹک کو ضلع بھر میں منتقل کرنے کیلئے کرفیو نافذ کیا گیا ۔
