روس کے علاقے داغستان میں نامعلوم مسلح افراد نے عیسائی اور یہودیوں کی عبادت گاہوں پر حملہ کیا ہے۔
غیر ملکی خبررساں اداروں کے مطابق نامعلوم مسلح افراد نے دو گرجا گھروں اور اس کے ساتھ ہی یہودی عبادت گاہ کی عمارتوں کو آگ لگا دی، نامعلوم مسلح افراد نے پولیس چیک پوسٹ پر بھی شدید فائرنگ کی،اس واقعے میں 7 افراد ہلاک جبکہ 13 افراد شدید زخمی ہوئے ہیں۔مقامی حکام کے مطابق ان ہلاک ہونے والوں میں گرجا گھر کا پادری اور 6 پولیس اہلکار جبکہ اس کے ساتھ زخمیوں میں 12 پولیس اہلکار بھی شامل ہیں۔روسی میڈیا کے مطابق پولیس کی جوابی کارروائی میں دو حملہ آور بھی مارے گئے ہیں۔روس کی تحقیقاتی کمیٹی کے مطابق دہشت گردی کی ان کارروائیوں پر مجرمانہ تحقیقات بھی شروع کر دی ہیں۔
