پشاور (حسن علی شاہ) — مروت قوم کے سربراہ اور سابق وفاقی وزیر سلیم سیف اللہ خان نے کہا ہے کہ جنوبی خیبرپختونخوا کے تمام اضلاع، خصوصاً لکی مروت، میں امن و امان کی صورتحال انتہائی غیر یقینی اور تشویشناک ہو چکی ہے۔
انہوں نے اخبار خیبر سے ملاقات میں کہا کہ صوبائی اور وفاقی حکومت کو چاہیے کہ وہ عوام کے جان و مال کے تحفظ کو یقینی بنانے کے لیے فوری اور عملی اقدامات کریں۔
سلیم سیف اللہ خان نے مزید کہا کہ بطور پاکستانی ہم سب کی ذمہ داری ہے کہ سیکیورٹی اداروں کے ساتھ بھرپور تعاون کیا جائے تاکہ علاقے میں امن و استحکام قائم ہو سکے۔
