پاک فوج کے شعبہ اطلاعات آئی ایس پی آر کی جانب سے جاری بیان میں کہا گیا ہے 12 اور 13 نومبرکو شمالی وزیرستان کے علاقے میران شاہ میں سیکیورٹی فورسز نے دہشتگردوں کی موجودگی کی اطلاع پر ایک خفیہ معلومات پر مبنی آپریشن کیا ۔
آئی ایس پی آر کے مطابق آپریشن کے دوران سیکیورٹی فورسز نے علاقے میں موجود دہشتگردوں کے ٹھکانے کو مؤثر طریقے سے نشانہ بنایا، آپریشن کے نتیجے میں 8 دہشتگرد ہلاک ہوگئے جبکہ 6 زخمی بھی ہوئے۔
آئی ایس پی آر نے اپنے بیان میں مزید کہا ہے کہ علاقے میں دیگر کسی بھی دہشتگرد کو ختم کرنے کے لیے سرچ آپریشن جاری ہے ۔
بیان میں کہا گیا ہے کہ پاکستان کی سیکیورٹی فورسز دہشت گردی کے اس عفریت کو ملک سے ختم کرنے کے لیے پرعزم ہیں ۔
