پاک فوج کے شعبہ اطلاعات عامہ یعنی آئی ایس پی آر کی جانب سے جاری بیان کے مطابق سیکیورٹی فورسز نے خفیہ اط؛لاع پر ڈیرہ اسماعیل اور شمالی وزیرستان میں دوعلیٰحدہ علیٰحدہ کارروائیاں کی ہیں ۔
آئی ایس پی آر کے مطابق 8 اور 9 فروری کی درمیانی شب سیکیورٹی فورسز نے دہشتگردوں کی موجودگی کی خفیہ اطلاعات کی بنیاد پر ڈیرہ اسماعیل خان کے علاقے مدی میں آپریشن کیا جس کے دوران دشمن کے ٹھکانے کو مؤثر طریقے سے نشانہ بنایا گیا جس کے نتیجے میں 3 دہشتگرد، بشمول رحمت، ہلاک اور 2 زخمی ہوگئے ۔
آئی ایس پی آر نے کہا ہے کہ ایک اور خفیہ آپریشن شمالی وزیرستان کے علاقے میر علی میں کیا گیا، جہاں فائرنگ کے تبادلے میں 4 دہشتگرد ہلاک اور 3 زخمی ہوگئے ۔
ترجمان پاک فوج کے مطابق علاقے میں کسی بھی باقی ماندہ دہشتگردوں کو ختم کرنے کے لیے کلیئرنس آپریشن جاری ہے ،پاکستان کی سیکیورٹی فورسز دہشت گردی کے ناسور کو جڑ سے اکھاڑنے کے لیے پرعزم ہیں ۔
