اسلام آباد: صدر مملکت آصف علی زرداری نے قومی اسمبلی اور سینیٹ کے علیحدہ علیحدہ اجلاس طلب کر لیے۔دوسری جانب وفاقی کابینہ کا اجلاس بھی طلب کیا گیا ہے۔
قومی اسمبلی کا اجلاس کل بروز جمعرات سہ پہر چار بجے اور سینیٹ اجلاس بھی کل سہ پہر تین بجے طلب کیا گیا ہے۔
صدر مملکت نے قومی اسمبلی اور سینیٹ کے اجلاس آئین کے آرٹیکل 54 (ایک) کے تحت طلب کیے ہیں۔ قومی اسمبلی اور سینیٹ کے اجلاس میں 26ویں آئینی ترمیم کا مسودہ پیش کیے جانے کا امکان ہے۔
دوسری جانب وفاقی کابینہ کا اجلاس بھی کل ہی طلب کیا گیا ہے ،سینیٹ اور قومی اسمبلی میں آئینی ترامیم کا مسودہ پیش ہونے سے قبل اس کی منظوری کابینہ سے لی جائے گی۔
واضح رہے کہ پاکستان تحریک انصاف (پی ٹی آئی) نے آئینی ترامیم پر خصوصی پارلیمانی کمیٹی کے اجلاس میں شرکت نہ کرنے کا اعلان کیا ہے۔ جبکہ پیپلز پارٹی اور جمیعت علما اسلام کے درمیان اس معاملے پر اتفق پہلے ہی ہو چکا ہے ۔
