پشاور: ذرائع کے مطابق پی ٹی آئی میں احتجاج کے معاملے پر اختلافات کھل کر سامنے آگئے، قافلوں کی قیادت کون کرے گا؟ اس حوالے سے وزیر اعلیٰ علی امین گنڈاپور اور بشریٰ بی بی کے درمیان سخت جملوں کا تبادلہ بھی ہوا۔
ذرائع کے مطابق بشریٰ بی بی اور علی امین گنڈاپور کے درمیان احتجاجی قافلے کی قیادت پر تکرار ہوئی، دونوں نے ایک دوسرے کو بتایا کہ وہ قافلوں کی قیادت کرینگے ۔
ذرائع نے بتایا کہ بشریٰ بی بی نے پشاور سے نکلنے والے قافلے کی قیادت کرنے کی خواہس کا اظہار کیا جس پر علی امین گنڈا پور نے کہا کہ بشریٰ بی بی کا سیاست سے کوئی تعلق نہیں۔
ذرائع کے مطابق انہوں نے کہا کہ بانی پی ٹی آئی کے حکم کے مطابق قافلوں کی قیادت میں کروں گا جبکہ بشریٰ بی بی کا کہنا تھا کہ مجھے بھی بانی کی جانب سے قافلوں کی قیادت کا حکم ہے ۔
جھگڑے کے بعد سابق خاتون اول بشریٰ بی بی گاڑی میں بیٹھی رہیں جبکہ وزیراعلیٰ علی امین گنڈا پور واپس اپنے گھر چلے گئے، اندرونی اختلافات کے باعث احتجاجی قافلہ روانہ نہیں ہو سکا۔
