پاکستان تحریک انصاف (پی ٹی آئی) کے سینیئر رہنما شبلی فراز نے کہا ہے کہ شیر افضل مروت کی طرح بڑے لوگ سڑکوں پر پھر رہے ہیں جو استعفیٰ مانگتے ہیں۔ انہوں نے یہ بات شیر افضل مروت کی جانب سے استعفیٰ کے مطالبے پر ردعمل دیتے ہوئے کہی۔
فواد چوہدری کے بارے میں شبلی فراز کا کہنا تھاکہ فواد چوہدری سے ہماری جماعت سے کسی نے کوئی رابطہ نہیں کیا۔ انہوں نے کہا کہ پی ٹی آئی میں کوئی دھڑا نہیں بلکہ یہ ہماری پارٹی کے خلاف ایک جھوٹی مہم ہے۔ کچھ لوگوں کو ٹی وی پر بٹھا کر ایک دوسرے کے خلاف باتیں کروائی جاتی ہیں۔
