سندھ میں 11 ہزار سے زائد پولیس اہلکاروں کی نئی بھرتی کا عمل شروع کر دیا گیا ہے
23 اپریل 2024 تک گریڈ 7 کی اسامی کیلئے 18 سے 28 سال عمر کے مرد اور خواتین امیدوار آن لائن درخواستیں جمع کرا سکتے ہیں۔سندھ پولیس کے اسسٹنٹ انسپیٹر جنرل اسٹیبلشمنٹ نے جس کیلئےنوٹیفکیشن جاری کردیا۔نوٹیفکیشن کے مطابق کراچی رینج کیلئے 3108 مرد، 583 خواتین جبکہ 194 اقلیتی پولیس اہلکار بھرتی کیے جا رہے ہیں۔498 لیڈیز اور 166 اقلیتی اہلکاروں سمیت 3322 اہلکاروں کی حیدرآباد رینج میں بھرتی کی جارہی ہے،جبکہ میرپور خاص رینج میں 90 خواتین سمیت 597 اہلکار بھرتی ہوں گے۔سکھر رینج میں 96 خواتین سمیت 638، جبکہ لاڑکانہ رینج میں 318 خواتین سمیت 2114 پولیس اہلکاروں کی بھرتی کا حکم دیا گیا ہے۔اعلان کے مطابق آئی بی اے سکھر کے تحت ٹیسٹ پاس کرنے والے امیدوار فزیکل ٹیسٹ اور رننگ جیسے اگلے مرحلے میں شامل کیے جائیں گے۔
