باجوڑ کے علاقے لوئی سم تھانے کی حدود اینزرے خٹو خوڑ میں مبینہ ڈرون حملے کے نتیجے میں ایک ہی خاندان کے 6 افراد زخمی ہو گئے۔
پولیس کے مطابق حملے میں زخمی ہونے والوں میں شیر افسر، شہاب، زوجہ جہان افسر، دختر شیر افسر، دختر شیر افضل اور زوجہ جنت گل شامل ہیں۔ تمام زخمیوں کو فوری طور پر ڈسٹرکٹ ہیڈکوارٹر ہسپتال خار منتقل کر دیا گیا۔
پولیس کا کہنا ہے کہ ڈی ایچ کیو ہسپتال خار میں زخمیوں کو ضروری طبی امداد فراہم کی جا رہی ہے، جبکہ واقعے کی تحقیقات بھی شروع کر دی گئی ہیں۔
واقعے کے بعد علاقے میں خوف و ہراس پھیل گیا، جبکہ سیکیورٹی اداروں نے علاقے کی نگرانی مزید سخت کر دی ہے۔
