یو اے ای میں بارشوں کا 75 سالہ ریکارڈ ٹوٹ گیا ہے۔جس کے باعث نظام زندگی مفلوج ہو گئی ہے
طوفانی بارشوں سے دبئی، شارجہ اور ابوظبی سمیت متحدہ عرب امارات کی ریاستوں میں 75 سال کا ریکارڈ ٹوٹ گیا ہے۔دبئی میں 2 سال کی بارش چند ہی گھنٹوں میں برس گئی جس کی وجہ سے پانی سے سڑکیں ڈوب گئیں جبکہ دبئی کی سب سے اہم شاہراہ شیخ زایدکے متعدد حصے بند کر نے پڑ گئے،شیخ زاید روڈ پر چند کلو میٹر کا فاصلہ اب کئی گھنٹوں میں طے ہونے لگا ہے۔اس کے ساتھ ہی دنیا کی بلند ترین عمارت برج خلیفہ کے سامنے پانی جمع ہوگیاہے۔شدید بارش نے جبکہ 25 منٹ تک دبئی ائیرپورٹ پر فلائٹ آپریشن بند رکھا جس کی وجہ سے آنے جانے والی کئی پروازیں منسوخ کردی گئیں ہیں۔
دوسری طرف مارکیٹس، شاپنگ مالز اور میٹرو اسٹیشنز میں بارش کا پانی آ گیا، شارجہ کی کئی سڑکیں نہروں میں بدل گئیں، طوفانی بارشوں نےعجمان اور العین میں بھی نظام زندگی معطل کردیا۔ آج شام تک یو اے ای کے محکمہ موسمیات نے بارشوں کا سلسلہ جاری رہنے کا امکان ظاہر کیا ہے اور ساتھ ہی ریڈ الرٹ جاری کرتے ہوئے عوام کو محتاط ر ہنے کی ہدایت کی ہے۔ آج بھی امارات میں تعلیمی اداروں میں آن لائن کلاسز اور دفاتر کو ورک فرام ہوم کی ہدایت جاری کی گئی ہے جبکہ اماراتی شہروں کے درمیان چلنے والی بس سروس بھی معطل کردی گئی ہے
