سال 2024 کا پہلا مکمل سورج گرہن 8 اپریل کو نظر آئے گا
سال 2024 کا پہلا سورج گرہن امریکا,میکسیکو،اور کینیڈا میں نظر آئے گا،چاند اس وقت سورج کے سامنے آجائے گا اور زمین کے کچھ حصوں میں اندھیرا چھا جائے گا۔ چونکہ مکمل سورج گرہن 8 اور 9 اپریل کے درمیان ہوگا اس لئے رات ہونے کے سبب پاکستان میں اس کا مشاہدہ نہیں کیا جا سکے گا، لیکن مغربی یورپ، جنوبی امریکا، اٹلانٹک سمیت دیگرمقاما ت پر سورج گرہن دکھائی دے گا۔محکمہ موسمیات کے مطابق پاکستانی وقت کے مطابق سورج گرہن کا آغاز رات 8 بجکر 42 منٹ پر ہوگا، اور 11 بجکر 17 منٹ پرسورج گرہن عروج پر ہوگا، سورج گرہن کا اختتام رات ایک بجکر 52 منٹ پر ہوگا۔واضح رہے کہ دوسرا سورج گرہن سال کا 2 اکتوبر کو جنوبی امریکا کے کچھ حصوں میں متوقع ہے جو کہ جزوی ہوگا۔
