یورو کپ میں فلسطین اور اسرائیل کے پرچم کو لہرانے پر پابندی عائد کردی گئی ہے۔
یورو کپ کی انتظامیہ نے ٹورنامنٹ کے دوران میدان میں فلسطین اور اسرائیلی کے پرچم لانے اور لہرانے پر پابندی عائد کر دی۔کل سے یورپ میں فٹبال کی حکمرانی کے لیے جرمنی کے دارالحکومت برلن میں یورو کپ شروع کیا جا رہا ہے اور یہ افتتاحی میچ میزبان ٹیم جرمنی اور اسکاٹ لینڈ کی ٹیم کے درمیان کھیلا جائے گا۔اس کے برعکس میگا ایونٹ کے آغاز سے قبل ہی یورو کپ کی انتظامیہ نے برلن میں تماشائیوں کی طرف سے فلسطین اور اسرائیل کے پرچم کو میدان میں لانے اور لہرانے پر مکمل پابندی عائد کر دی گئی ہے۔
انتظامیہ کی جانب سے ٹورنامنٹ کے تمام میچز کے دوران صرف یورو کپ میں شریک 24 ممالک کے پرچم کو لہرانے کی اجازت ہوگی کیونکہ یورو کپ کوئی احتجاج کرنے، سیاسی تنازعات اور جھگڑوں کی جگہ نہیں ہے۔اطالوی ٹیم یورو کپ 2024 میں ایونٹ میں اعزاز کا دفاع کرے گی اور اس حوالے سے تماشائیوں کے لیے برلن میں دو مقامات مختص کیے گئے ہیں جہاں پر آکر لوگ اپنی ٹیم کو سپورٹ کر سکتے ہیں۔ اس کے ساتھ ساتھ میچ دیکھنے کے لیے بڑی اسکرینیں بھی نصب کردی گئی ہیں۔
