ملک میں پیٹرولیم مصنوعات کے ذخائر اور سپلائی کی صورتحال تسلی بخش ہے اور آئندہ ہفتوں کے لیے بھی ایندھن کی دستیابی کو یقینی بنانے کے لیے مؤثر انتظامات کیے جا رہے ہیں۔
پیٹرول کی قیمتوں کی نگرانی سے متعلق قائم کمیٹی کا اجلاس وفاقی وزیر خزانہ محمد اورنگزیب کی زیر صدارت منعقد ہوا۔ اجلاس میں وفاقی وزیر پیٹرولیم علی پرویز ملک، وفاقی وزیر برائے بحری امور محمد جنید انور چوہدری، اسٹیٹ بینک آف پاکستان کے گورنر اور متعلقہ وزارتوں اور اداروں کے اعلیٰ حکام نے شرکت کی۔
اجلاس میں ملک بھر میں پیٹرولیم مصنوعات کے موجودہ ذخائر، خام تیل کی درآمدات اور سپلائی چین کی صورتحال کا تفصیلی جائزہ لیا گیا۔ حکام نے کمیٹی کو بریفنگ دیتے ہوئے بتایا کہ ملک میں ایندھن کے ذخائر اطمینان بخش ہیں اور مارچ کے مہینے کی ضروریات پوری طرح محفوظ ہیں، جب کہ موجودہ درآمدی منصوبہ بندی کے تحت ایندھن کی دستیابی اپریل کے وسط تک یقینی ہے اور اسے مزید بڑھانے کے لیے اقدامات جاری ہیں۔
کمیٹی کو بتایا گیا کہ حکومت بین الاقوامی مارکیٹ سے مختلف ذرائع کے ذریعے درآمدات بڑھانے کی حکمت عملی پر عمل پیرا ہے تاکہ کسی ایک راستے پر انحصار کم ہو اور ملک کی توانائی سلامتی مزید مضبوط بنائی جا سکے۔
اس موقع پر وزیر خزانہ محمد اورنگزیب نے کہا کہ حکومت ملک بھر میں پیٹرولیم مصنوعات کی بلا تعطل فراہمی کو یقینی بنانے کے لیے مکمل طور پر متحرک ہے۔ انہوں نے واضح کیا کہ موجودہ صورتحال میں ایندھن کے حوالے سے کسی قسم کی گھبراہٹ یا غیر ضروری ذخیرہ اندوزی کی کوئی ضرورت نہیں۔
اجلاس میں ہدایت کی گئی کہ متعلقہ ادارے، آئل اینڈ گیس ریگولیٹری اتھارٹی اور صوبائی حکومتوں کے ساتھ مل کر ذخائر اور مارکیٹ کی صورتحال پر کڑی نظر رکھیں تاکہ ذخیرہ اندوزی یا مصنوعی قلت پیدا کرنے کی کسی بھی کوشش کو فوری طور پر روکا جا سکے۔
جمعرات, نومبر 19, 2026
بریکنگ نیوز
- ساولڈھیر کا المیہ! مامتا کی موت اور سماجی زوال کا نوحہ
- صدر آصف زرداری اور وزيراعظم شهبازشريف کا تمام معاملات مشاورت سے حل کرنے پر اتفاق
- رومانیہ کی گلوکارہ جارجیانا کوستیا گلوگا کو گلوبل ایمبیسیڈر ایوارڈ 2026 سے نواز دیا گیا
- سونے کی غیرقانونی کان کنی: گورنر کے پی نے انکوائری کمیشن تشکیل دے دیا
- اقوام متحدہ میں پاکستان کا بھارت کو جواب، سندھ طاس معاہدے کی یکطرفہ معطلی بین الاقوامی قانون کی خلاف ورزی قرار
- پاکستان نے بھارتی پروازوں کے لیے فضائی حدود کی بندش میں 24 دسمبر تک توسیع کردی
- چترال میں پاک فوج اور فرنٹیئر کور خیبر پختونخوا کے زیر اہتمام فری میڈیکل کیمپ کا انعقاد
- خیبر پختونخوا میں سیکیورٹی فورسز کے آپریشنز میں مزید 22 دہشت گرد ہلاک

