دفتر خارجہ نے پاکستان اور چین کے درمیان مبینہ اختلافات سے متعلق میڈیا رپورٹس کو مسترد کر دیا

ترجمان دفتر خارجہ طاہر اندرابی نے پاکستان اور چین کے درمیان مبینہ اختلافات سے متعلق میڈیا رپورٹس کو یکسر مسترد کر دیا۔
ترجمان دفتر خارجہ طاہر اندرابی نے پاک چین تعلقات اور حالیہ قیاس آرائیوں پر ردعمل دیتے ہوئے کہاہے کہ دونوں ممالک کے درمیان تمام اہم امور پر مسلسل رابطہ اور ہم آہنگی موجود ہے۔ طاہر اندرابی نے واضح کیا کہ پاکستان اور چین قابل اعتماد شراکت دار اور قریبی دوست ہیں اور دونوں ممالک باہمی دلچسپی کے تمام امور پر ایک دوسرے کے ساتھ قریبی رابطہ برقرار رکھتے ہیں۔ انہوں نے کہا کہ ایسی کسی بھی قسم کی غیر ضروری قیاس آرائی یا حقائق کو توڑ مروڑ کر پیش کرنا بالکل بے بنیاد اور غیر ضروری ہے۔
طاہر اندرابی نے کہا کہ پاکستان اور چین کے تعلقات میں کسی قسم کی دراڑ کا تاثر درست نہیں ہے۔ دونوں ممالک خطے کے امن کے لیے مل کر کام کر رہے ہیں۔