راولپنڈی: پی ٹی آئی کارکنوں کے تشدد کے دوران شہید ہونے والے پولیس کانسٹیبل مبشربلال کی نمازجنازہ ادا کردی گئی۔
وفاقی وزیرداخلہ محسن نقوی ، آئی جی پنجاب ڈاکٹر عثمان انور ، پولیس اور عسکری افسران سمیت مقامی افراد نے بڑی تعداد میں نماز جنازہ میں شرکت کی۔
بعدازاں میڈیا سے گفتگو کرتے ہوئے محسن نقوی کا کہنا تھا کہ کانسٹیبل مبشر فرائض سرانجام دیتے ہوئےشہید ہوئے، ذمہ داروں کو قرار واقعی سزا دی جائےگی۔
انہوں نے کہا کہ شہید کا خون رائیگاں نہیں جانے دیں گے، گولی کا جواب گولی سے دینا بہت آسان تھا، احتجاج کی کال دینے والے اہلکار کے قتل کےذمہ دار ہیں، اسلام آباد پولیس کےدوجوانوں کی حالت بھی تشویشناک ہے۔
انہوں نے مزید کہا کہ پولیس اہلکاروں پرگولیاں چلائی گئیں، سب پرایف آئی آردرج کی جائیں گی۔
