وزیر اعظم محمد شہباز شریف کے مطابق عالمی برادری کو چاہے کہ وہ افغان مہاجرین کی وطن واپسی کے مسئلے میں مدد کرے۔
وزیراعظم آفس کی طرف سے جاری کردہ بیان کے مطابق وزیر اعظم محمد شہباز شریف سے اقوام متحدہ کے ہائی کمشنر برائے مہاجرین نے ملاقات کی ہے،وزیر اعظم ہاؤس میں ہائی کمشنر فلپو گرینڈی نے ملاقات کی۔وزیر اعظم محمد شہباز شریف نے اس موقع پر چار دہائیوں سے افغان مہاجرین کی میزبانی میں اقوام متحدہ کی حمایت کو سراہا اور کہا کہ کئی چیلنجز کے باوجود بھی پاکستان نے ہمیشہ افغان مہاجرین کی انتہائی عزت اور وقار کے ساتھ میزبانی کی ہے۔
شہباز شریف کے مطابق یو این ایچ سی آر افغان مہاجرین کے لیے ایک پائیدار حل کو فروغ دینے میں اپنا اہم کردار ادا کرے، افغان مہاجرین کی محفوظ اور باوقار طور پر وطن واپسی حکومت پاکستان کی اولین ترجیحات میں شامل ہے۔ان کے مطابق افغان مہاجرین کی وطن واپسی کے مسئلے میں عالمی برادری کو مدد کرنی چاہے۔افغان مہاجرین کی واپسی میں پاکستان کو آنے والے سماجی اور اقتصادی چیلنجوں کے خطرات کو مد نظر رکھا جانا چائے،اس لئے عالمی برادری افغان مہاجرین کی وجہ سے پڑنے والے بوجھ کو کم کرنے میں اہم کردار ادا کرے۔
جبکہ اقوام متحدہ کے ہائی کمشنر نے اس موقع پر کئی دہائیوں سے لاکھوں افغان مہاجرین کی میزبانی پر حکومت پاکستان کوخراج تحسین پیش کیا۔ہائی کمشنر فلپو گرینڈی نے کہا کہ کمیشن افغان مہاجرین کی ضروریات کو پورا کرنے کے لیے پاکستان کے ساتھ مل کر کام کرتا رہے گا۔
