کراچی میں افغان ڈکیت گروہ کے سرغنہ حسیب اللہ عرف کرزئی کو گرفتار کرلیا گیا

کراچی میں افغان ڈکیت گروہ کے سرغنہ حسیب اللہ عرف کرزئی کو گرفتار کرلیا گیا، ایس ایس پی امجدحیات کے مطابق افغان ڈکیت گروہ کراچی میں خون ریزی اور لوٹ مار میں ملوث ہے۔ 15رکنی افغان ڈکیت گروہ کا خون ریزی، لوٹ مارمیں ملوث ہونے کا انکشاف سامنے آیا۔

گرفتار ملزم عابداللہ عرف کرزئی نے دوران تفتیش انکشاف کیا کہ اس  کے ساتھی کانسٹیبل واحد پرویز کی شہادت میں ملوث ہیں، 13فروری کو نارتھ کراچی میں اہلکار کو گھر کے پاس شہید کردیا گیا تھا۔

ملزم کے ساتھیوں نےڈکیتی کے دوران رینجرز اہلکارآصف کو بھی شہید کیا تھا، گروہ کا کارندہ بلال پیٹرول بم بنانے میں مہارت رکھتا ہے جبکہ احمد اللہ افغانی اور خان متعددشہریوں کو قتل اور زخمی کرنے میں ملوث ہیں۔

ملزم حسیب اللہ عرف کرزئی واردات کرنےکے بعد افغانستان فرار ہو جاتاتھا اورافغانستان سے گروپ کو آپریٹ کرتا تھا، افغان ڈکیت گروہ کی گزشتہ ماہ ڈکیتی کی ویڈیو بھی وائرل ہوئی تھی، ملزم کے ایک ساتھی کو عوام نے پکڑ کر کھمبے سے باندھ دیا تھا۔

ایس ایس پی سٹی کا کہنا تھا کہ ملزم کے ساتھی اسلحےکے زور پرعوام سے ساتھی چھڑواکرلےگئے تھے جبکہ ملزم کے گروہ کے کچھ ساتھی ہلاک جبکہ کچھ زخمی حالت میں گرفتار ہوچکے ہیں۔