لاہور: لندن میں سابق چیف جسٹس قاضی فائزعیسیٰ کی گاڑی پر حملے کے خلاف پنجاب اسمبلی نے کثرت رائے سے قرار داد منظور کرلی۔
پنجاب اسمبلی میں حکومتی رکن احسن رضا نے جسٹس (ر) قاضی فائز عیسیٰ کی گاڑی پر حملے کے خلاف مذمتی قرارداد پیش کی جسے ایوان نے کثرت سے منظور کرلیا۔
پنجاب اسمبلی کے اجلاس کے دوران حکومتی ارکان نے حملے میں ملوث افراد کو نشان عبرت بنانے کا مطالبہ کیا۔
قرارداد میں کہا گیا کہ منصوبہ بندی کرکے ایک سیاسی جماعت نے انتشار پسندی کی، سابق چیف جسٹس کی گاڑی پر حملے میں ملوث افراد کے خلاف سخت قانونی کارروائی کی جائے، حکومت برطانیہ سےبات کرکے ذمہ داران کے خلاف مقدمہ درج کرایا جائے۔
قرارداد کی متفقہ منظوری کے بعد سپیکر پنجاب اسمبلی نے نے رولنگ دی کہ قرارداد کی کاپی وفاقی حکومت کو بھیجی جائے۔
