پاکستان میں غیر قانونی طور پر مقیم افغان مہاجرین کی رضاکارانہ واپسی کی مہلت کا آج آخری دن ہے۔ وفاقی حکومت کی جانب سے اعلان کیا گیا تھا کہ 10 جولائی کے بعد پاکستان میں موجود غیر قانونی غیر ملکیوں کے خلاف سخت کارروائی شروع کی جائے گی۔
حکومت کے مطابق مقررہ مدت ختم ہونے کے بعد غیر قانونی طور پر مقیم افراد کو گرفتار کرکے قانونی کارروائی کے بعد ان کے متعلقہ ممالک واپس بھیجا جائے گا۔
دوسری جانب سندھ میں غیر قانونی طور پر مقیم متعدد افغان شہریوں کو واپس افغانستان ڈی پورٹ کیا جا چکا ہے، جبکہ حکام کا کہنا ہے کہ غیر قانونی غیر ملکیوں کی واپسی کا عمل جاری رہے گا۔
