انڈر 19 ورلڈکپ سیمی فائنل میں پاکستان کی آسٹریلیا کیخلاف بیٹنگ جاری ہے
آسٹریلیا نے پاکستان کے خلاف آئی سی سی انڈر 19 کرکٹ ورلڈکپ کے دوسرے سیمی فائنل میں ٹاس جیت کر پہلے بولنگ کا فیصلہ کیا۔جنوبی افریقا میں آئی سی سی انڈر 19 کرکٹ ورلڈکپ جاری ہے جہاں پاکستان کی آسٹریلیا کے خلاف بیٹنگ سیمی فائنل میں جاری ہے۔سعد بیگ پاکستان ٹیم کی قیادت کررہے ہیں، ٹیم میں اس کے علاوہ شاہزیب خان، شمائل حسین، اذان اویس، احمد حسن، ہارون ارشد، عرفات منہاس، عبید شاہ، محمد ذیشان، علی رضا اور نوید احمد خان شامل ہیں۔
انڈر19 ٹورنامنٹ میں پاکستان ناقابل شکست رہا ہے،قومی ٹیم نے قبل ازیں بنگلہ دیش، نیوزی لینڈ، نیپال،، آیئرلینڈ، اور افغانستان کو شکست دی تھی۔ بھارت نے 6 فروری کو جنوبی افریقہ کو شکست دے کر فائنل میں جگہ بنائی تھی، پاکستان اگر آسٹریلیا کےخلاف میچ جیت جاتا ہے تو انڈر 19 ورلڈکپ کا فائنل بھارت اور پاکستان کے درمیان کھیلا جائے گا۔یادرہے کہ11 فروری کو انڈر 19 کرکٹ ورلڈکپ ایونٹ کا فائنل کھیلا جائے گا۔ یاد رہے کہ پہلی اننگز کے 11 اوورز اس وقت مکمل ہوچکے ہیں اور قومی ٹیم کی جانب سے تین وکٹوں کے نقصان کے بعد اس وقت اذان اویس اور احمد حسن بیٹنگ کررہے ہیں۔
