واشنگٹن: امریکی سینیٹ نے ایران کے خلاف فوجی کارروائی سے پہلے کانگریس کی پیشگی منظوری لازمی قرار دینے سے متعلق قرارداد کو مسترد کر دیا۔ سینیٹ میں ہونے والی رائے شماری کے دوران 52 ارکان نے قرارداد کی مخالفت کی جبکہ 57 سینیٹرز نے اس کے حق میں ووٹ دیا، تاہم قرارداد مطلوبہ اکثریت حاصل نہ کر سکی۔
دوسری جانب سینیٹ نے اسرائیل کو فوجی امداد بند کرنے سے متعلق ایک اور قرارداد بھی مسترد کر دی۔
ذرائع کے مطابق سابق صدر ڈونلڈ ٹرمپ کی انتظامیہ کے لیے ضروری تھا کہ وہ آئندہ دو ہفتوں کے اندر ایران کے خلاف جاری فوجی آپریشن کے لیے کانگریس سے منظوری حاصل کرے، بصورت دیگر یہ کارروائی 29 اپریل کو خود بخود ختم ہو سکتی تھی۔
امریکی قانون کے تحت اگر کوئی جنگ کانگریس کی اجازت کے بغیر شروع کی جائے تو دو ماہ بعد وہ خود بخود ختم ہو جاتی ہے، جب تک کہ اسے باقاعدہ منظوری حاصل نہ ہو۔
یہ پیش رفت ایک ایسے وقت میں سامنے آئی ہے جب مشرق وسطیٰ کی صورتحال کشیدہ ہے اور امریکہ کی خارجہ پالیسی پر اندرونِ ملک بھی شدید بحث جاری ہے۔
