Close Menu
اخبارِخیبرپشاور
    مفید لنکس
    • پښتو خبرونه
    • انگریزی خبریں
    • ہم سے رابطہ کریں
    Facebook X (Twitter) Instagram
    بدھ, جولائی 9, 2025
    • ہم سے رابطہ کریں
    بریکنگ نیوز
    • سوات سانحہ خیبرپختونخوا حکومت کی سنگین غفلت قرار، 14روز میں جامع رپورٹ طلب
    • کراچی :اداکارہ و ماڈل حمیرا اصغر کی فلیٹ سے کئی روز پرانی لاش برآمد
    • چین کے ایئرچیف کی پاک فضائیہ کے سربراہ سے ملاقات، بھارت سے جنگ میں پاکستانی پائلٹس کے فیصلہ کن جواب کی تعریف
    • خیبرپختونخوا اسمبلی میں مخصوص نشستوں کی تقسیم، الیکشن کمیشن کا اعلامیہ کالعدم قرار
    • پشاور میں نامعلوم افراد کی فائرنگ سے خواجہ سرا قتل
    • پاکستان اکیڈمی آف لیٹرز اور پلانیٹ پلس کا موسمیاتی شعور کے لیے معاہدہ
    • افغان طالبان کے امير ملا هِبت الله اور چيف جسٹس افغانستان کے وارنٹ گرفتاری جاری
    • اسلام آبادکی مقامی عدالت کا ملک کے 27 معروف یوٹیوبرز کے چینلز بلاک کرنے کا حکم
    Facebook X (Twitter) RSS
    اخبارِخیبرپشاوراخبارِخیبرپشاور
    پښتو خبرونه انگریزی خبریں
    • صفحہ اول
    • اہم خبریں
    • قومی خبریں
    • بلوچستان
    • خیبرپختونخواہ
    • شوبز
    • کھیل
    • دلچسپ و عجیب
    • بلاگ
    اخبارِخیبرپشاور
    آپ پر ہیں:Home » خواتین کے لیے تعلیم کیوں ضروری ہے؟
    بلاگ

    خواتین کے لیے تعلیم کیوں ضروری ہے؟

    نومبر 22, 2024کوئی تبصرہ نہیں ہے۔6 Mins Read
    Facebook Twitter Email
    Why is education important for women
    خواتین معاشرے کا نصف حصہ ہیں اور ان کی تعلیم کے بغیر قوم اور معاشرے کی ترقی ممکن نہیں۔
    Share
    Facebook Twitter Email

    تعلیم وہ ذریعہ ہے جو انسان کو حیوان سے ممتاز کرتا ہے۔ تعلیم ہی کے ذریعے انسان انسانیت سیکھتا ہے اور اچھے برے کی تمیز کرتا ہے۔ یہ انسان کو اس کے اصل مقام تک پہنچاتی ہے اور کامیاب زندگی کے لیے راہ ہموار کرتی ہے۔ تعلیم کے بغیر نہ دنیا کی ترقی ممکن ہے اور نہ ہی انسانیت کی بقا۔

    اسلام سے قبل عرب معاشرہ برائیوں کی آماجگاہ تھا۔ بد اخلاقی، بد اعمالی، شراب نوشی، ظلم اور قتل و غارت عام تھے، جسے دین اسلام نے "زمانۂ جاہلیت” کا نام دیا۔ اس کا مطلب یہ ہے کہ برائیوں کی جڑ جہالت ہے ۔

    یہ بات اکثر سننے کو ملتی ہے کہ ہر کامیاب مرد کے پیچھے ایک عورت کا ہاتھ ضرور ہوتا ہے اور یہ بات حقیقت بھی ہے۔ ایک تعلیم یافتہ عورت نہ صرف ایک بہترین ماں بن سکتی ہے بلکہ ایک مثالی شریک حیات اور مضبوط معاشرتی ستون بھی بن سکتی ہے۔

    عورت کے کئی کردار ہیں: وہ ماں ہے، جو نسلوں کی تربیت کرتی ہے؛ وہ بیٹی ہےجو والدین کے خوابوں کی تعبیر بن سکتی ہے؛ اور وہ بہن ہے، جو گھر کی عزت اور محبت کی علامت ہوتی ہے۔ ان تمام رشتوں کو بخوبی نبھانے کے لیے ضروری ہے کہ عورت کو زیورِ تعلیم سے آراستہ کیا جائے۔

    تعلیم عورت کو خودمختاری، شعوراور زندگی کے فیصلے کرنے کی صلاحیت دیتی ہے۔ ایک تعلیم یافتہ عورت نہ صرف اپنے گھر بلکہ پورے معاشرے کی تعمیر میں اہم کردار ادا کرتی ہے۔ اس لیے ضروری ہے کہ ہم خواتین کی تعلیم کو اتنی ہی اہمیت دیں جتنی مردوں کی تعلیم کو دیتے ہیں۔

    ہم سب کو یہ بات یاد رکھنی چاہیے کہ قوموں کی ترقی اور خوشحالی ماں کی تعلیم سے وابستہ ہے۔ اگر ماں تعلیم یافتہ ہو تو وہ نہ صرف اپنے بچوں کو بہتر تربیت دے سکتی ہے بلکہ ایک تعلیم یافتہ اور باشعور قوم کی بنیاد بھی رکھ سکتی ہے۔

    ماں وہ پہلی درسگاہ ہے جہاں سے بچے کی شخصیت اور کردار کی تشکیل شروع ہوتی ہے۔ اگر ماں خود علم کے زیور سے آراستہ ہوگی تو وہ اپنے بچوں کو شعور، اخلاقیات اور تعلیم کی اہمیت سے روشناس کرائے گی۔ لیکن اگر ماں خود تعلیمی شعور سے محروم ہوتو ایسی صورت میں ان کے بچے سے روشن مستقبل کی توقع رکھنا بے جا ہوگا۔

    اس لیے ضروری ہے کہ خواتین کی تعلیم پر خصوصی توجہ دی جائےکیونکہ ایک تعلیم یافتہ ماں نہ صرف اپنے خاندان بلکہ پوری قوم کی ترقی کی ضمانت ہے۔ ماں کی تعلیم کا مطلب پوری نسل کی تعلیم ہےاور یہ حقیقت کسی بھی معاشرے کے مضبوط بنیادوں کا پہلا قدم ہے۔

    زندگی گزارنے کے لیے خواتین کو تعلیم کے زیور سے آراستہ کرنا انتہائی ضروری ہے۔ قرآن و سنت میں تعلیم کی اہمیت پر واضح طور پر زور دیا گیا ہے لیکن اس کے باوجود آج بھی کچھ جگہوں اور خاندانوں میں لڑکیوں کی تعلیم کے خلاف رویے پائے جاتے ہیں۔ کچھ لوگ یہ دلیل دیتے ہیں کہ لڑکیوں کو تعلیم دلوانے کی ضرورت نہیں کیونکہ وہ نوکری نہیں کریں گی یا وہ خواتین کی کمائی پر انحصار نہیں کرنا چاہتے۔

    یہ سوچ نہ صرف غلط ہے بلکہ اسلام کی تعلیمات اور معاشرتی ترقی کے اصولوں کے بھی خلاف ہے۔ ایک لڑکی کو تعلیم دینا پورے خاندان کو تعلیم یافتہ بنانے کے مترادف ہےکیونکہ ماں ہی وہ ہستی ہے جو بچوں کی تربیت اور پرورش کرتی ہے۔ ماں اولین درسگاہ ہے اور اگر ماں تعلیم یافتہ ہوگی تو نسلوں کا بنیاد مضبوط ہوگا۔

    اس کے ساتھ ہمیں یہ بھی ذہن نشین کرنا چاہیے کہ زندگی کبھی کبھار غیر متوقع موڑ لے سکتی ہے۔ کوئی نہیں جانتا کہ کل کیا حالات پیش آتے ہیں۔ اگر کسی لڑکی کے حالات بدل جائیں یا مشکلات کا سامنا ہو، تو کیا بھائی، چچا یا ماموں ہمیشہ اس کے لیے موجود ہوں گے؟ حقیقت یہ ہے کہ لڑکیوں کو تعلیم سے محروم رکھنا انہیں خود مختار زندگی گزارنے کی صلاحیت سے محروم کرنا ہے۔

    جو لوگ یہ دعوے کرتے ہیں کہ لڑکیوں کو سکول یا مدرسے بھیجنے کی ضرورت نہیں، وہ درحقیقت ان کے حق تعلیم کو چھین رہے ہیں۔ تعلیم نہ صرف لڑکیوں کو اپنے پیروں پر کھڑا ہونے کا حوصلہ دیتی ہے بلکہ انہیں مستقبل کے چیلنجز کا سامنا کرنے کے قابل بھی بناتی ہے۔ ہمیں اس سوچ کو بدلنے اور لڑکیوں کی تعلیم کو ہر حال میں یقینی بنانے کی ضرورت ہے۔

    جب لڑکیوں کو تعلیم اور ہنر سے محروم رکھا جاتا ہےتو بدقسمتی سے وہ مجبور ہو کر دوسروں کے گھروں میں کام کرنے پر مجبور ہو جاتی ہیں۔ تب ہم روتے ہیں اور کہتے ہیں، "ہائے میری بچی کے نصیب” لیکن حقیقت یہ ہے کہ یہ نصیب ہم نے خود بنائے ہیں۔ اگر ہمیں بعد میں قسمت کا رونا نہیں رونا، تو آج ہی اس بات کا فیصلہ کریں کہ ہر بچی کو تعلیم کے زیور سے آراستہ کریں گے اور ان کے حقوق کے لیے آواز بلند کریں گے۔

    افسوس کی بات یہ ہے کہ خواتین کے حقوق اور تعلیم کے حوالے سے سب سے زیادہ آواز مغرب سے اٹھتی ہے، جو خود ماضی میں عورت کو کم درجے کی مخلوق سمجھتا تھا۔ لیکن اسلام نے صدیوں پہلے خواتین کو وہ مقام اور حقوق دیےجو دنیا کا کوئی اور نظام نہیں دے سکا۔ خواتین معاشرے کا نصف حصہ ہیں اور ان کی تعلیم کے بغیر قوم اور معاشرے کی ترقی ممکن نہیں۔

    ضرورت اس بات کی ہے کہ خواتین کو دنیاوی اور دینی دونوں علوم سے مزین کیا جائے۔ آج کے دور میں معاشرے کو ہمدرد اور باصلاحیت ڈاکٹرز، اساتذہ، وکلاء اور دیگر شعبوں میں ماہر خواتین کی ضرورت ہے۔ خواتین ہر شعبہ ہائے زندگی میں بہترین کردار ادا کر سکتی ہیں بشرطیکہ انہیں تعلیم اور مواقع فراہم کیے جائیں۔ ہمیں مل کر یہ عہد کرنا ہوگا کہ ہر بچی کو اس کا حق دیا جائے گا تاکہ وہ اپنے مستقبل کو سنوار سکے اور معاشرے کی ترقی میں اپنا حصہ ڈال سکے۔

    لہٰذا اتنی لمبی تمہید کا مقصد یہ ہے کہ ہر بچی کو اس کا حق حقیقی معنوں میں دیا جائے، چاہے وہ جائیداد ہو، تعلیم ہو یا کوئی اور حق۔ خاص طور پر تعلیم کے معاملے میں ہمیں اپنی بیٹیوں کو آگے لانا ہوگا اور فرسودہ روایات سے باہر نکلنا ہوگاتاکہ ہم ترقی کی راہ پر گامزن ہو سکیں۔

    ہمیں لڑکیوں کو دین اور دنیا دونوں علوم میں تعلیم یافتہ بنانا ہوگاکیونکہ یہی وہ ہستی ہے جو آنے والی نسلوں کی پرورش اور قوموں کی تعمیر کرے گی۔ اس کے ساتھ ہی ہر بہن اور بیٹی سے گزارش ہے کہ وہ اپنے والد اور بھائی کے لیے فخر کا باعث بنے، نہ کہ شرمندگی کا۔ اگر وہ تمہیں پڑھائی کے لیے گھر سے باہر جانے کی اجازت دیتے ہیں تو ان کے اعتماد کو کبھی ٹھیس نہ پہنچنے دیں، تاکہ کل وہ تم پر ناز کر سکیں۔

    اللہ تعالیٰ سے دعا ہے کہ امت مسلمہ کی ہر بیٹی کو سلامت رکھے اور انہیں باحیا اور باوقار زندگی عطا کرے۔ آمین۔

    Share. Facebook Twitter Email
    Previous Articleآرمی چیف کا عزم: دہشتگردوں اور قومی سلامتی کو نقصان پہنچانے والے عناصر کو جڑ سے اکھاڑیں گے
    Next Article افغان صوبہ بغلان میں مزار پر فائرنگ سے 10 افراد جاں بحق ہوگئے
    عروج خان
    • Website

    Related Posts

    برہان وانی کی شہادت کو 9 سال مکمل

    جولائی 8, 2025

    روس، طالبان اور پاکستان, علاقائی سیاست کا نیا مثلث

    جولائی 7, 2025

    محرم ڈیوٹی اور پولیس کے جوان؟

    جولائی 7, 2025
    Leave A Reply Cancel Reply

    Khyber News YouTube Channel
    khybernews streaming
    فولو کریں
    • Facebook
    • Twitter
    • YouTube
    مقبول خبریں

    سوات سانحہ خیبرپختونخوا حکومت کی سنگین غفلت قرار، 14روز میں جامع رپورٹ طلب

    جولائی 9, 2025

    کراچی :اداکارہ و ماڈل حمیرا اصغر کی فلیٹ سے کئی روز پرانی لاش برآمد

    جولائی 8, 2025

    چین کے ایئرچیف کی پاک فضائیہ کے سربراہ سے ملاقات، بھارت سے جنگ میں پاکستانی پائلٹس کے فیصلہ کن جواب کی تعریف

    جولائی 8, 2025

    خیبرپختونخوا اسمبلی میں مخصوص نشستوں کی تقسیم، الیکشن کمیشن کا اعلامیہ کالعدم قرار

    جولائی 8, 2025

    پشاور میں نامعلوم افراد کی فائرنگ سے خواجہ سرا قتل

    جولائی 8, 2025
    Facebook X (Twitter) Instagram
    تمام مواد کے جملہ حقوق محفوظ ہیں © 2025 اخبار خیبر (خیبر نیٹ ورک)

    Type above and press Enter to search. Press Esc to cancel.