مردان/ کاٹلنگ (امان اللہ حبیب) واپڈا اہلکار کا کارنامہ محکمہ واپڈا کیلئے جگ ہنسائی کا موجب بن گیا۔ بجلی بل میں میٹر یونٹ کی تصویر کی جگہ چارپائی کی تصویر لگا دی گئی۔
سوشل میڈیا پر ایک تصویر وائرل ہورہی ہے ۔ تصویر میں دیکھا جاسکتا ہے کہ واپڈا کی طرف سے موصول ہونیوالے بجلی کے بل پر میٹر یونٹ کی تصویر کی جگہ۔ ایک چار پائی کی تصویر چھاپی گئی ہے۔
صارف نے بجلی کے بل کی تصویر کھینچ کر سوشل میڈیا پر وائرل کردی ہے۔ تصویر دیکھتے ہی دیکھتے ہی وائرل ہوگئی ہے۔ جس پر مختلف صارفین مزاحیہ اور واپڈا پر تنقیدی تبصرے کررہے ہیں۔
دوسری جانب ادارے کی جانب سے ابھی تک اس تصویر پر کوئی موقف پیش نہیں کیا گیا۔ جب خیبر نیوز کے مقامی نمائندے واپڈا دفتر کال کی تو یہ جواب دیا گیا کہ تمام افسران نماز جمعہ کےلئے گئے ہوئے ہیں۔ بعد ازاں رابطے کرنے پر بھی متعلقہ دفتر کے افسران نے کوئی موقف نہیں دیا۔
کاٹلنگ میں بجلی بل میں میٹر یونٹ کی تصویر کی جگہ چاپائی کی تصویر لگا دی گئی
