آرمی چیف کی تعیناتی کےلئے آج کل سمری کو حتمی شکل دیدی جائیگی، خواجہ آصف

اسلام آباد (ویب ڈیسک) وزیر دفاع خواجہ آصف نے کہا ہے کہ فوج کے سربراہ کی تعیناتی ہے۔ اس لیے کسی قسم کی لوز ڈلیوریز افورڈ نہیں کی جاسکتیں۔ آج کل میں سمری کو حتمی شکل دیدی جائے گی۔ اہم معاملہ کابینہ میں زیر غور آئے گا اس کاعلم نہیں۔
وزیر دفاع خواجہ آصف نے وزیراعظم سے ملاقات کے بعد صحافیوں سے گفتگو کی ۔ خواجہ آصف نے کہا کہ اہم تقرریوں کیلئے قانون و ضابطہ مدنظر رکھ کر فیصلہ کیا جائے گا۔ میڈیا کو سیاسی دھڑے بندیوں کی نمائندگی نہیں کرنی چاہیے۔
انہوں نے مزید کہا ہے کہ ملک اور قوم کے مفاد میں فیصلے کرنے چاہئیں۔ اتحادیوں کو اعتماد میں لیا جائے گا، ہیجانی کیفیت کا خاتمہ ضرور ہوگا۔ امید ہے نوازشریف رواں سال کے آخر تک پاکستان آ جائیں گے۔