شانگلہ میں سرچ آپریشن کے دوران دہشت گردوں کی فائرنگ سے 3 پولیس اہلکار شہید ہو گئے، جوابی کارروائی میں 2 دہشتگرد ہلاک ہو گئے ۔
شانگلہ پولیس نے خفیہ اطلاعات کی بنیاد پر کابلگرام کے نواحی علاقوں میں شدت پسندوں کے خلاف بڑے پیمانے پر سرچ آپریشن شروع کیا تو اس دوران دہشتگردوں نے اچانک فائرنگ کر دی ۔
پولیس حکام کا بتانا ہے کہ دہشتگردوں کی فائرنگ سے شانگلہ پولیس کے 3 بہادر اہلکار موقع پر ہی شہید ہو گئے ، اہلکاروں کی شہادت کے فوری بعد پولیس نے علاقے میں جوابی کارروائی کی ۔
پولیس ٹیموں نے علاقے کو گھیرے میں لے کر فوری اور بھرپور جوابی کارروائی کی جس کے نتیجے میں 3 دہشت گرد ہلاک ہوگئے جبکہ ان کے چند ساتھی پہاڑی علاقے کا فائدہ اٹھاتے ہوئے فرار ہوگئے ۔
