Latest Urdu news from Pakistan - Peshawar, Lahore, Islamabad

اسلامیہ کالج پشاور کے طالبعلم نے ایم ڈی کیٹ امتحان میں ناکامی پر زندگی کا خاتمہ کر لیا

پشاور میں اسلامیہ کالج کے طالب علم مبشر علی نے مبینہ طور پر میڈیکل اینڈ ڈینٹل کالج ایڈمیشن ٹیسٹ (ایم ڈی کیٹ) میں اچھے اسکور نہ کرنے پر خودکشی کرلی۔ طالب علم کا تعلق پارا چنار سے تھا۔ اسلامیہ کالج پشاور پرووسٹ کے مطابق ہارڈنگ ہاسٹل میں طالب علم مبشر علی نے مبینہ طور پر خودکشی کی، طالب علم نے ہاسٹل میں نشہ آوور گولیاں کھاکرخودکشی کی۔ انہوں نے بتایاکہ طالب علم زولوجی ڈیپارٹمنٹ کے پہلے سمسٹر کا طالب علم تھا۔

ان کا کہنا تھاکہ دوست نے طالب علم کو تشویشناک حالت میں کمرے میں پایا جس کے بعد اسے طبی امداد کیلئے اسپتال منتقل کیاگیا لیکن وہ جانبر نہ ہوسکا اور انتقال کرگیا۔ پولیس کے مطابق طالب علم کے والد نے اپنا بیان ریکارڈ کروایا ہے اور کہا کہ بیٹے نے ایم ڈی کیٹ میں ناکامی پرخودکشی کی، اس سے قبل بھی دو مرتبہ ٹیسٹ دیا تھا۔

جواب چھوڑیں

آپ کا ای میل ایڈریس شائع نہیں کیا جائے گا.