الیکشن کمیشن نے اپنے دفاتر کےلئے فول پروف سیکیورٹی مانگ لی

 اسلام آباد(ویب ڈیسک) توشہ خانہ ریفرنس میں عمران خان کی نااہلی کے فیصلے کے بعد الیکشن کمیشن نے اپنے دفاتر کےلئے فول پروف سیکیورٹی مانگ لی۔
الیکشن کمیشن نے وزارت داخلہ کو بذریعہ مراسلہ سیکیورٹی فراہم کرنے کا مطالبہ کیا۔ مراسلے میں کہا گیا کہ مرکزی، صوبائی اور ضلعی دفاتر۔ عملے کو فُول پروف سیکیورٹی دی جائے۔
مراسلے کے مطابق چیف سیکرٹریز اور پولیس کو موجودہ صورتحال کے پیش نظر سیکیورٹی بڑھانے کا کہا جائے۔ وزارت داخلہ نے الیکشن کمیشن کے مراسلے پر صوبوں کو ہدایات جاری کر دیں۔