ملا فضل اللہ کا دست راست اہم طالبان کمانڈر محمد اسحاق افغانستان میں جاں بحق ہو گیا۔ سوات کی تحصیل کبل سے تعلق رکھنے والے طالبان کمانڈر محمد اسحاق ولد کٹورے کو گزشتہ روز دل کا دورہ پڑا تھا۔ ذرائع کے مطابق محمد اسحاق کو کشیدگی کے دوران ملا فضل اللہ کا دست راست مانا جاتا تھا۔ مذکورہ طالبان کمانڈر سوات پولیس کو مختلف کارروائیوں میں مطلوب تھا تاہم محمد اسحاق فوجی آپریشن کے دوران افغانستان فرار ہوگیا تھا۔ یاد رہے کبل میں مذکورہ کمانڈر کا مکان بھی آپریشن کے دوران مسمار کیا گیا تھا۔ ذرائع کے مطابق محمد اسحاق کو افغانستان میں ہی سپرد خاک کردیا گیا ہے۔
