خیبرپختونخوا میں بارش اور برفباری کا نیا سلسلہ

خیبرپختونخوا کے اکثر علاقوں میں رات سے بارش کا نیا سلسلہ شروع ہوگیا ہے جس کی وجہ سے سردی میں بھی اضافہ ہوگیا ہے۔ محکمہ موسمیات کے مطابق بارش کے ساتھ ساتھ پہاڑوں پربرف باری کا بھی سلسلہ جاری ہے۔

محکمہ موسمیات نے آئندہ 24 گھنٹوں کے دوران بنو اور ڈیرہ اسماعیل ڈویژن کے علاوہ پورے صوبے میں بارش اور پہاڑوں پر برفباری کا امکان ظاہر کیا ہے۔

بارشوں اور برف باری کا یہ سلسلہ آئندہ 24 گھنٹوں تک رہنے کا امکان ظاہر کیا ہے۔ آج پشاور میں کم سے کم درجہ حرارت 5 جبکہ زیادہ سے زیادہ 19 ڈگری سینٹی گریڈ ریکارڈ کیا گیا ہے۔