آئی ایس پی آر کی جانب سے جاری بیان میں کہا گیا ہے کہ سیکیورٹی فورسز نے خیبرپختونخوا کے مختلف علاقوں میں تین علیحدہ علیحدہ کاروائیاں کی ہیں جن میں 11 دہشتگرد ہلاک ہو گئے ہیں ۔
آئی ایس پی آر کے مطابق سیکیورٹی فورسز نے پہلی کارروائی ضلع ٹانک میں خفیہ اطلاعات کی بنیاد پر اکی جس میں دہشتگردوں کے ٹھکانے کو مؤثر انداز سے نشانہ بنایا گیا، اس دوران 7 دہشتگرد ہلاک ہوگئے ۔
دوسری کارروائی شمالی وزیرستان کے علاقے دتہ خیل میں بھی خفیہ اطلاعات پر کی گئی جس میں فائرنگ کے تبادلے میں سیکیورٹی فورسز نے 2 دہشتگردوں کو ہلاک کیا گیا ۔
تیسری کارروائی ضلع مہمند کے علاقے مامد گٹ میں ہوئی ، جہاں شدید فائرنگ کے تبادلے کے بعد مزید 2 دہشتگرد ہلاک کر دیے گئے۔ ہلاک ہونے والے دہشتگردوں کے قبضے سے اسلحہ اور گولہ بارود بھی برآمد ہوا ۔
آئی ایس پی آر نے مزید کہا ہے کہ ہلاک دہشت گرد سیکیورٹی فورسز اور معصوم شہریوں کے خلاف متعدد دہشت گردانہ کارروائیوں میں ملوث تھے۔
علاقے میں مزید کسی بھی دہشت گرد کی موجودگی کو یقینی طور پر ختم کرنے کے لیے سرچ اور کلیئرنس آپریشن جاری ہے، پاک فوج ملک سے دہشت گردی کے خاتمے کے عزم پر قائم ہے ۔
