ثانیہ مرزا سے علیحدگی پر پاکستان کرکٹ ٹیم کے سابق کپتان شعیب ملک کی فیملی سخت رنجیدہ ہے
ہفتے کے روز شوبز انڈسٹری کی معروف اداکارہ ثنا جاوید کے ساتھ سابق کپتان شعیب ملک نے دوسری شادی کا اعلان کیا جس کے بعد پہلی بیوی ثانیہ مرزا کے ساتھ ان کی علیحدگی کی بھی تصدیق ہوگئی ہے۔تاہم شعیب ملک کے بہنوئی عمران ظفر نے بتایا کہ سابق کپتان کی فیملی ثانیہ مرزا سے ان کی شادی ختم ہونے پر سخت رنجیدہ ہے اور ان کی دوسری شادی کی تقریب میں فیملی کے کسی ممبر نے شرکت نہیں کی ہے۔
عمران ظفر نےمزید بتایا کہ شادی کا مجھے بھی سوشل میڈیا سے پتہ چلا ہے، شادی میں خاندان کا کوئی فرد شامل نہیں تھا۔ذرائع کا دوسری طرف کہنا ہے کہ شعیب ملک کی فیملی ثانیہ مرزا اور شعیب ملک کے تعلقات خراب ہونے پر دبئی بھی گئی اوردبئی میں 2022 کے آخر میں دو ہفتے رہی۔
اعلامیہ کے مطابق ثانیہ مرزا اور شعیب ملک کے گھر قیام کے دوران تعلقات خوشگوار اور بہتر بنانےکی کوشش کی جاتی رہی اور فیملی بالکل بھی ثانیہ مرزا سے طلاق کے حق میں نہیں تھی۔یاد رہے کہ ثانیہ مرزا اور شعیب ملک کا ایک بیٹا بھی ہے
