چمن شہر اور گرد و نواح میں تیز بارش کے باعث پانی دھرنا مظاہرین کےخیموں میں داخل ہوگیا، جس کی وجہ سے بہت سے خیمے اپنی جگہ سے اڑ گئے
تیز بارش کی وجہ سے بارش کا سارا پانی بابِ دوستی کے قریب دھرنا مظاہرین کے خیموں میں داخل ہو گیا۔ دھرنا مظاہرین کے متعدد خیمے تیز بارش اور ہوا کے باعث اڑ گئے۔دھرنے کے منظمین نے اظہار کیا ہے کہ بارش اور طوفان کے باوجود دھرنے کےمتاثرہ ہونے کا کوئی امکان نہیں ہے۔اس موقع پر بارش کے بعد بلوچستان کے شمال مغربی سرد اضلاع میں طویل خشک موسم کا خاتمہ ہو گیا ہے۔
بارش اور طوفانی ہوائیں چلنے سے امیدواروں کی انتخابی تشہیری مہم بھی متاثر ہوئی ہے۔تیز ہوائیں مختلف علاقوں میں امیدواروں کے بینرز اور پوسٹرز اڑا لے گئیں۔ موسلا دھار بارش بابِ دوستی، سوئی کاریز، پرانا چمن، کوڑک ٹاپ، خواجہ عمران، شیلا باغ، قلعہ عبداللّٰہ، گلستان، جنگل پیر علیزئی میں ہوئی ہے
