پنجاب میں حکومت سازی کامعاملہ۔ مسلم لیگ ن نے پارلیمانی اجلاس کل طلب کرلیا ہے۔جبکہ پاکستان پیپلزپارٹی اسی ہفتے میں وزیر اعلی کے نام فائنل کردے گی
ذرائع کے مطابق جاتی امرا میں مریم نواز کی سربراہی میں اجلاس ہوا جس میں پارلیمانی پارٹی کا اجلاس 21فروری کو طلب کرنے کافیصلہ کیا گیا۔ذرائع کا کہنا ہے کہ اجلاس کی صدارت پارٹی کی طرف سے نامزد وزیر اعلی پنجاب مریم نواز کریں گی۔ذرائع کے مطابق اجلاس میں حکومت سازی، اسپیکر اور ڈپٹی اسپیکر کے انتخاب پر مشاورت ہوگی جب کہ مسلم لیگ ن کے تمام نو منتخب ارکان پنجاب اسمبلی کو اجلاس میں شرکت کی ہدایت کی گئی ہے۔
دوسری جانب ترجمان پیپلزپارٹی نے کہاہے کہ قیادت بہت جلد وزیراعلی سندھ کے نام کو فائنل کردے گی۔ذرائع کا کہنا ہے کہ پاکستان پیپلزپارٹی کی قیادت نے سندھ میں سید مراد علی شاہ کو ایک بار پھر وزارت اعلی کا منصب سونپے کا فیصلہ کرلیا ہے، اس فیصلے کے بعد مراد علی شاہ تیسری مرتبہ وزیراعلی بنیں گے۔ذرائع کا بتانا ہے کہ پیپلز پارٹی کی قیادت رواں ہفتے ہی وزیراعلی سندھ کے نام کا اعلان کرے گی۔
