پشاور میں دو گروپوں کے درمیان فائرنگ سے دو افراد جاں بحق ہو گئے۔ یہ واقعہ تھانہ شاہ پور کی حدود میں پیش آیا۔ پولیس ذرائع کا کہنا ہے کہ فائرنگ کے تبادلے میں دوران دو افراد جاں بحق ہو گئے ہیں جن میں دونوں فریقین سے ایک ایک شخص شامل ہیں۔
پولیس ذرائع کے مطابق دونوں فریقین میں فائرنگ کا واقعہ جائیداد کے تنازعے پر پیش آیا۔ جاں بحق افراد میں ایک کا تعلق پولیس سے ہے۔ واقعے کے بعد دونوں جاں بحق افراد کی نعشوں کو پوسٹ مارٹم کے لیے ہسپتال منتقل کر دیا گیا ہے جبکہ واقعہ میں ملوث ملزمان کی گرفتاری کے لیے چھاپے مارے جا رہے ہیں۔
