سعودی ولی عہد کا وہ دورہ جس کا یہاں بہت چرچا تھا اب ایک ماہ سے زائد مدت کے لیے مؤخر کر دیا گیا ہے۔ اس سے قبل یہ خبر تھی کہ سعودی ولی عہد 19 مئی کو پاکستان کے دو روزہ دورے پر پاکستان آئیں گے۔ تازہ اطلاعات کے مطابق دورہ اس وقت تک مؤخر ہوگیا ہے جب تک کہ دونوں فریقین باہمی رضامندی سے نئے عبوری شیڈول کا تعین نہیں کرلیتے ۔
یاد رہے سعودی ولی عہد کو دورہ پاکستان کی دعوت وزیراعظم شہبازشریف نے اپنے دورہ سعودی عرب کے دوران دی تھی اور اسے شہزادہ محمد بن سلمان نے قبول بھی کرلیا تھا۔
سفارتی ذرائع کا کہنا ہے کہ اس بات کا امکان ہے کہ شہزادہ محمد بن سلمان عید الاضحیٰ کے فوری بعد پاکستان کا دورہ کریں۔یاد رہے شہزادہ محمد بن سلمان پہلے بھی دومرتبہ پاکستان کے دورے پر آچکے ہیں۔
