Latest Urdu news from Pakistan - Peshawar, Lahore, Islamabad

گورنرخیبرپختونخوا نے گورنر ہاؤس پر قبضے کی بات پر وزیراعلیٰ علی امین کو چیلنج کردیا

گورنر خیبرپختونخوا فیصل کریم کنڈی نے گورنر ہاؤس پر قبضے کی بات پر وزیراعلیٰ خیبرپختونخوا علی امین گنڈاپور کو چیلنج کردیاہے۔

گورنر خیبرپختونخوا نے کہا ہے کہ کبھی بھی میں گورنر راج نہیں لگاؤں گا، وزیراعلیٰ خیبرپختونخوا علی امین گنڈاپور نےگورنرہاؤس پرقبضے کی بات کی ہے، تو پھر گنڈاپورکو چیلنج ہے، آئیں اور قبضہ کرکے دکھائیں، میں تمہیں سڑکوں پر گھسیٹوں گا۔اسی طرح ایک اور موقع پر گورنر خیبرپختونخوا فیصل کریم کنڈی نے وزیراعلیٰ کے پی علی امین گنڈاپور کو جواب دیتے ہوئے کہا تھا کہ آپ اپنے بانی کو تو جیل سے نہیں نکال سکتے بلکہ اس کے برعکس اگر قانون توڑا تو آپ کو بھی جیل میں ڈالا جائے گا۔

گورنر کے پی کے مطابق جو آئین کو نہیں مانتے ان کے ساتھ مذاکرات نہیں ہوں گے، جو کہتے ہیں معافی نہيں مانگتے ان کو معافی مانگنا ہوگی۔یاد رہے کہ وزیراعلیٰ کے پی کے علی امین گنڈا پور نے 25 اپریل کو تقریب سے خطاب میں دعویٰ کیا تھا کہ وہ نہ صرف اسلام آباد جائيں گے بلکہ بانی پی ٹی آئی کو وہاں سے لے کر ہی آئيں گے۔

جواب چھوڑیں

آپ کا ای میل ایڈریس شائع نہیں کیا جائے گا.