پاکستانی کرکٹ ٹیم کے وکٹ کیپر بیٹر اعظم خان اور قومی کپتان بابر اعظم کی سوشل میڈیا پر ایک ویڈیو وائرل ہورہی ہے۔
اس ویڈیو میں سنائی دینے والی باتوں سے واضح اندازہ لگایا جا سکتا ہے کہ پاکستانی کرکٹرز آپس میں ڈالرز پر ایک دوسرے کے ساتھ مذاق کر رہے ہیں۔اس دوران قومی کپتان بابر اعظم جو کہ ویڈیو میں بظاہر تو نظر نہیں آ رہے، لیکن اعظم خان سے مذاق میں پوچھتے ہیں کہ ابا کیا ہوا؟ اس پر وکٹ کیپر بیٹر اعظم خان غیر ملکی کرنسی سے اپنا چہرہ اور ماتھا صاف کرتے ہوئے کہتے ہیں کہ بہت زیادہ گرمی ہے وسیم بھائی۔
اس بات پر سب ہی کرکٹر زور دار قہقہہ لگاتے ہیں جس کی آواز ویڈیو میں واضح سنی جاسکتی ہے۔یہ ویڈیو سوشل میڈیا پر خوب وائرل ہے جسے کرکٹ شائقین کی طرف سے پسند کیا جا رہا ہے۔ویڈیو کے کمنٹس سیکشن میں شائقین کھلاڑیوں کی اس گفتگو پر اپنی اپنی رائے کا اظہار کر رہے ہیں اور اس کے ساتھ ہی دلچسپ تبصرے کررہے ہیں۔
