پنجاب کے مختلف اضلاع میں گرج چمک کے ساتھ بارشوں کا سلسلہ جاری ہے۔اسی حوالےسے پی ڈی ایم اے نے الرٹ بھی جاری کردیا ہے۔
ذرائع کے مطابق گوجرانوالہ، گجرات، سیالکوٹ،حافظ آباد، جہلم، منڈی بہاالدین، سیالکوٹ میں بھی بارش ریکارڈ کی گئی ہے۔
محکمہ موسمیات کے مطابق 25 جولائی تک پنجاب بھر میں مون سون بارشوں کا اسپیل جاری رہے گا، آج اور کل جنوبی پنجاب کے بیشتر اضلاع میں آندھی اور گرج چمک کے ساتھ بارش کے امکانات ظاہر کئے گئے ہیں۔
اس کے علاوہ راولپنڈی، اسلام آباد اور گردونواح میں بھی بارش کی وجہ سے موسم نہایت ہی خوشگوار ہوگیا ہے،جبکہ اس کے برعکس واسا کی ٹیمیں ہیوی مشینری کے ساتھ علاقوں میں نکاسی آب میں مصروف ہیں۔یاد رہے کہ بارشوں کو مدنظر رکھتے ہوئے پی ڈی ایم اے نے الرٹ بھی جاری کردیا ہے۔
