پشاور: رہنما پی ٹی آئی خیبرپختونخوا اور سابق گورنر شاہ فرمان نے وزیراعلیٰ کے سینئر مشیر کے عہدے سے استعفیٰ دے دیا۔
وزیراعلیٰ خیبر پختونخوا علی امین گنڈاپور نے چند روز قبل شاہ فرمان کو سینئر مشیر برائے سیاسی امور مقرر کیا تھا۔
شاہ فرمان نے کہا کہ سینئر مشیر بنانے پر وزیراعلیٰ علی امین گنڈاپور کا مشکور ہوں، بانی پی ٹی آئی کی تشکیل کردہ احتساب کمیٹی کا ممبر ہوں، کمیٹی ممبر کی حیثیت سے صوبائی حکومت کی کارکردگی پر نظر رکھنا ہے۔
ان کا کہنا تھا کہ حکومتی حصہ کے طور پر خود کو آرام دہ نہیں سمجھتا، یہ عہدہ میری اولین ذمہ داری کو متاثر کر سکتا ہے۔
شاہ فرمان نے کہا کہ میں سینئر مشیر کے عہدے سے استعفی دیتا ہوں، تاکہ صوبائی حکومت کی کارکردگی اور شفافیت یقینی بنا سکوں۔
