پاکستان میں دو بار وزیراعظم بننےوالی بے نظیر بھٹو شہید کی 17 ویں برسی آج ملک بھر میں منائی جارہی ہے ۔
بے نظیر بھٹو شہید نے اپنی زندگی میں سیاسی مخالفین کے ساتھ جنرل ضیا اورجنرل مشرف کی آمریتوں کا ڈٹ کر مقابلہ کیا ۔
بے نظیربھٹو 2007 میں جلا وطنی ختم کرکے پاکستان پہنچیں تو پہلے کراچی میں 18 اکتوبر کو استقبالی جلوس میں دھماکے ہوئے جن میں سیکڑوں افراد جاں بحق ہوئے ۔
پھر27 دسمبر2007 کو بے نظیربھٹو روالپنڈی کےلیاقت باغ میں جلسے سے واپسی پرجان لیوا حملے میں شہید ہوئی تھیں ۔
لاڑکانہ میں شہید محترمہ بے نظیر بھٹو کی 17 ویں برسی کے موقع پر صدر آصف علی زرداری، بلاول بھٹو زرداری، بختاور بھٹو زرداری اور آصفہ بھٹو زرداری نوڈیرو پہنچ گئے، جہاں انہوں فاتحہ خوانی بھی کی ۔
آصف علی زرداری نے گڑھی خدا بخش میں مزار پرحاضری دی اور فاتحہ خوانی کی اورپھولوں کی چادرچڑھائی ۔
