لاہور: انگلینڈ کرکٹ ٹیم کے کپتان جوز بٹلر نے کہا ہے کہ افغانستان میں خواتین کی حالت زار پر افسوس ہے، وہ مشکل وقت سے گزر رہی ہیں، افغانستان کے ساتھ میچ کھیلنا انگلینڈ کرکٹ بورڈ کا فیصلہ ہے ۔
لاہور میں پریس کانفرس کرتے ہوئے انگلش کپتان جوز بٹلر نے کہا کہ چیمپیئنز ٹرافی میں انگلینڈ اور افغانستان کا میچ افغان خواتین کو امید دلائے گا مشکل وقت میں یہ میچ ان کے لیے تفریح ثابت ہوگا، کرکٹ بورڈ اور ماہرین نے ہمیں افغانستان کے حوالے سے کافی کچھ بتایا جس سے ہمیں مدد ملی ۔
جوز بٹلر نے کہا کہ افغانستان کی ٹیم بہتر سے بہتر ہو رہی ہے، افغانستان کے اسپنرز اچھے ہیں، پچھلے میچ کی مثبت چیزوں کو آگے لے کر چلیں گے، ہماری ٹیم میں توازن ہے اسپنرز اور پیس اٹیک ہے ۔
اپنی ٹیم سے متعلق ان کا کہنا تھا کہ ہیری بروک کی فارم کو لے کر کوئی پریشانی نہیں ہے، ہیری بروک ٹیم کے اہم رکن ہیں وہ دنیا کے باصلاحیت نوجوان کرکٹر ہیں ۔
