پاک فوج کے شعبہ تعلقات عامہ کی جانب سے جاری بيان کے مطابق آرمی چیف جنرل عاصم منیر نے بہاولپور کنٹونمنٹ کا دورہ کیا ، آرمی چیف نے بہاولپور کور کے افسران اور جوانوں سے خطاب کیا، آرمی چيف بہاولپور کور کی آپریشنل تیاریوں اور تربیت کے پہلوؤں پربریفنگ دی گئی ۔
آئی ایس پی آر کا کہنا تھا کہ آرمی چیف نے افسران اور جوانوں کے غیر متزلزل لگن، بلند حوصلے اور حربی تیاریوں کو سراہا ۔
آرمی چیف کا کہنا تھا کہ سخت تربیت سپاہی کی پیشہ ورانہ بہتری میں کلیدی حیثیت رکھتی ہے، جدید جنگی حربوں کے چیلنجز سے نمٹنے کے لیے سخت ٹریننگ جاری رہنی چاہیے ،جنگ کے جدید رجحانات کے مطابق پاک فوج کی تربیت کا عمل جاری ہے ۔
آئی ایس پی آر کے مطابق آرمی چیف جنرل عاصم منیر نے سی ایم ایچ انسٹی ٹیوٹ آف میڈیکل سائنسز، انووسیٹا چولستان اور آئی سی ایس ایرینا کا بھی افتتاح کیا ۔
آرمی چیف نے سی آئی ایم ایس میں بہاولپور کی جامعات کے طلبہ سے بات چیت بھی کی، جنرل عاصم منیر نے پاک فوج کے نوجوانوں کے لیے امور پر روشنی ڈالی ۔
آئی ایس پی آر کے مطابق آرمی چیف کا کہنا تھا کہ قومی ترقی کے لیے نوجوان اپنی صلاحیتوں کو نکھاریں، ملک کی ترقی اور مستقبل میں نوجوانوں کا اہم کردار ہے ۔
