ریاض: سعودی عرب میں عمرہ زائرین کی بس حادثے کا شکار ہونے سے 3 خواتین سمیت 5 پاکستانی جاں بحق اور متعدد زخمی ہوگئے ۔
ڈان نیوز کے مطابق ضلع بہاولنگر سےگئےعمرہ زائرین کی بس میدان بدر سے مدینہ واپس آتے ہوئے ٹرالر سے ٹکراگئی، جس کے نتیجے میں بس میں سوار 3 خواتین سمیت 5 عمرہ زائرین جاں بحق اور متعدد زخمی ہوگئے ۔
حادثےکا شکار ہونے والی بس میں ضلع بہاولنگر کے رہائشی 48 عمرہ زائرین سوار تھے اور میدان بدر کی زیارت کرکے مدینہ واپس آرہے تھے ۔
دوسری جانب سپیکر قومی اسمبلی سردار ایاز صادق نے سعودی عرب میں عمرہ زائرین کے ساتھ پیش آنے والے حادثے میں بہاولنگر سے تعلق رکھنے والے 5 عمرہ عمرہ زائرین کے جاں بحق ہونے پر اظہار افسوس کیا ہے ۔
ایاز صادق نے سعودی عرب میں پاکستانی سفارت خانے سے رابطہ کرکے انہیں حادثے کے متاثرین کے ساتھ مکمل تعاون کی ہدایت کی ۔
