پشاور: خیبرپختونخوا حکومت نے صوبہ بھر کے تعلیمی اداروں میں موسم گرما کی چھٹیوں کا اعلان کردیا، اعلامیہ کے مطابق موسم گرما کی چھٹیوں کا اطلاق سرکاری اور نجی تمام تعلیمی اداروں پر ہوگا ۔
محکمہ تعلیم کی جانب سے جاری اعلامیہ کے مطابق خیبرپختونخوا کے گرم علاقوں کے پرائمری سکولوں میں یکم جون سے 31 اگست تک چھٹیاں ہوں گی ۔
اعلامیہ میں کہا گیا ہے کہ گرم علاقوں میں ہائی اور ہائر سیکنڈری سکول 15 جون سے 31 اگست تک بند رہیں گے جب کہ سرد علاقوں کے سکولوں میں موسم گرما کی تعطیلات یکم جولائی سے 31 جولائی تک ہوں گی ۔
محکمہ تعلیم خیبر پختونخوا کے اعلامیے کے مطابق گرم موسم کی چھٹیوں کا اطلاق صوبہ بھر کے سرکاری اور نجی تمام تعلیمی اداروں پر ہوگا ۔
