وفاقی حکومت نے بیرون ملک سے ڈی پورٹ کئے گئے پاکستانیوں کے پاسپورٹ منسوخ کرکے ان کے خلاف مقدمات درج کرنے کا فیصلہ کرلیا ،یہ فیصلہ وزیر داخلہ کی زیر صدارت اہم اجلاس میں کیا گیا ۔
اسلام آباد: وفاقی وزیر داخلہ محسن نقوی کی زیرصدارت اجلاس ہوا جس میں بیرون ملک سے ڈی پورٹ کئے گئے پاکستانیوں کے پاسپورٹ منسوخ کرنے اور ان کے خلاف مقدمات درج کرنے کا فیصلہ کیا گیا ۔
اجلاس میں پاسپورٹ قوانین کو مزیدسخت اور بہتر بنانے کیلئے وفاقی سیکرٹری داخلہ کی سربراہی میں کمیٹی قائم کی گئی ہے ۔
اس موقع پر وفاقی وزیر داخلہ محسن نقوی نے کہا کہ بیرون ممالک سے نکالے جانے پاکستانیوں کے نام 5 سال کیلئے پاسپورٹ کنٹرول لسٹ (پی سی ایل) کی فہرست میں بھی شامل جائیں گے ۔
وفاقی وزیر کا مزید کہنا تھا کہ ڈی پورٹ ہونے والے پاکستان کیلئے بین الاقوامی سطح پر شرمساری کا باعث بن رہے ہیں، ان سے کوئی رعایت نہیں برتی جائے گی ۔
