ایران نے دعویٰ کیا ہے کہ اس نے اسرائیل کا ایک اور جدید ایف 35 جنگی طیارہ مار گرایا ہے، جس کے بعد حالیہ جنگ کے دوران گرائے گئے طیاروں کی تعداد 5 ہوچکی ہے۔
ایرانی میڈیا کے مطابق ایران کے فضائی دفاعی نظام نے تبریز کے اوپر پرواز کرتے ہوئے اسرائیلی ایف 35 طیارے کو کامیابی سے نشانہ بنایا۔ یہ طیارہ جدید ترین ففتھ جنریشن اسٹیلتھ ٹیکنالوجی سے لیس تھا۔
ایرانی حکام کے مطابق، ایران کی فضائی حدود کی خلاف ورزی کرنے والے پانچ ایف 35 طیارے اب تک مار گرائے جا چکے ہیں۔
ادھر اسرائیلی فوج نے حسب روایت ایرانی دعوؤں کی تردید کی ہے، تاہم ایران کا کہنا ہے کہ سرحدی خلاف ورزی کرنے والا ایک اسرائیلی ڈرون بھی مار گرایا گیا ہے، جس کی تصدیق ایرانی سرکاری میڈیا نے کی ہے۔
ایرانی دعوؤں کے بعد ماضی میں امریکی کمپنی، جو ایف 35 طیارے بناتی ہے، کے اسٹاک میں ایک دن کے اندر تقریباً 4 فیصد کمی دیکھی گئی تھی۔
