پاکستان نے ایران اور اسرائیل کے درمیان 12 روز سے جاری لڑائی میں جنگ بندی کے اعلان کا خیرمقدم کرتے ہوئے فریقین سے مطالبہ کیا ہے کہ وہ سیز فائر معاہدے کی مکمل پاسداری کو یقینی بنائیں ۔
اسلام آباد: دفتر خارجہ کے ترجمان نے اپنے ایک بیان میں کہا ہے کہ پاکستان، ایران اور اسرائیل کے درمیان جنگ بندی کے اعلان کا خیرمقدم کرتا ہے اور متعلقہ فریقین سے مطالبہ کرتا ہے کہ وہ اس جنگ بندی کی مکمل پاسداری کریں ۔
ترجمان کا کہنا ہے کہ ہم خطے میں مذاکرات اور سفارتکاری کے احیاء کے لیے کی جانے والی کوششوں کا بھی خیرمقدم کرتے ہیں اور ان کی مکمل حمایت کرتے ہیں ۔
انہوں نے کہا کہ پاکستان کا مؤقف ہے کہ خطے میں امن و استحکام کا حصول صرف اقوامِ متحدہ کے منشور کے مقاصد اور اصولوں کی سختی سے پابندی اور طاقت کے استعمال سے گریز کے ذریعے ہی ممکن ہے ۔
دفتر خارجہ کے ترجمان نے مزید کہا ہے کہ پاکستان اس مقصد کے لیے کی جانے والی تمام کوششوں کی حمایت جاری رکھے گا ۔
